Болгарда «Россия чаңгы юллары-2022» ярышлары узды

Быел чара 40нчы тапкыр үткәрелде.

12 февральдә Спас районында «Россия чаңгы юллары-2022» 40нчы Бөтенроссия массакүләм чаңгы ярышлары узды. Юбилей ярышында спортчылар, укучылар, Спас тармак технологияләре техникумы һәм Болгар ислам академиясе студентлары, учреждение һәм предприятие хезмәткәрләре арасыннан һәвәскәр чаңгычылар һәм ветераннар катнашты.

1982 елдан башлап, инде 40 ел дәвамында, бөтен ил буенча узышка чаңгыда йөрергә һәм саф һавада актив ял итәргә яратучылар чыга. Чара иң популяр һәм массакүләм спорт төрләренең берсен сөючеләрне берләштерде. Спас районында яшәүчеләр лаеклы дәрәҗәдә ифзик хәзерлекне генә күрсәтеп калмыйча, күңел күтәренкелеге һәм уңай эмоцияләргә дә баедылар.

Ярыш йомгаклары буенча, катнашучыларның нәтиҗәләре ГТО нормаларын тапшыру исәбенә барачак.

Ярышлар барышында теләге булган кешеләр «Олимп» Спас балалар-яшүсмерләр спорт мәктәбенең тест үзәге мәйданчыгында ГТО Бөтенроссия физкультура-спорт комплексы нормативларының тагын берничә сынавын уздылар.

Ярышлар турында тулырак 2022 елның 16 февралендә «Яңа тормыш» газетасының яңа санында укыгыз. Газетага язылырга өлгермәүчеләр газетаның яңа санын Болгарның «Кузьмич» (Рабочая ур.), «Вера» (Ленин урамы) һәм "Теремок" азык-төлек кибетләрендә сатып ала алачак. (Дзержинский ур.).

Шулай ук яңа номерны Хирург Шеронов урамы, 23А адресы буенча «Новая жизнь» газетасы редакциясендә сатып алырга мөмкин.

ФОТОРЕПОРТАЖ

Иң мөһим һәм кызыклы язмаларны Татмедиа Telegram-каналында укыгыз